విశాఖ షిప్ యార్డులో ఘోర ప్రమాదం.. పదిమంది మృతి!

విశాఖ షిప్ యార్డులో ప్రమాదం జరిగింది. ఉన్నట్టుండి యార్డులో ఉన్న క్రేన్ విరిగిపడటంతో పదిమంది అక్కడికక్కడే చనిపోయారు.. పలువురికి గాయాలయ్యాయి. క్షతగాత్రుల్ని హుటా హుటిన దగ్గరలోని ఆస్పత్రికి తరలించారు. క్రేన్ శిథిలాలను పక్కకు తొలగిస్తున్నారు.. సహాయక చర్యలు కొనసాగుతున్నాయి. క్రేన్‌ను తనిఖీ చేస్తున్న సమయంలో ఈ ప్రమాదం జరిగింది. ఘటన జరిగిన సమయంలో ఎంతమంది అక్కడ పనిచేస్తున్నారన్నది క్లారిటీ రాలేదు. విరిగిపడిన క్రేన్ కింద మరికొంతమంది ఉన్నారని అనుమానిస్తున్నారు. మృతుల సంఖ్య ఇంకా పెరిగే అవకాశం ఉంది

ప్రమాదానికి కారణాలు తెలియాల్సి ఉంది. సేఫ్టీ అండ్ సెక్యూరిటీ పరంగా జాగ్రత్తలు తీసుకునే హిందుస్థాన్ షిప్ యార్డ్‌లో ఇలాంటి ప్రమాదం జరగడంపై ఆందోళన వ్యక్తమవుతోంది. అంతేకాదు వరుస ప్రమాదాలు జరగడం ఆందోళన కలిగిస్తోంది. ఈ ఘటనపై అధికారులు కూడా ఆరా తీస్తున్నారు. ప్రమాదానికి సంబంధించిన వివరాలు తెలియాల్సి ఉంది.

Leave a Reply

Your email address will not be published. Required fields are marked *