ఏపీకి భారీ వర్ష సూచన… కొనసాగుతున్న ఉపరితల ద్రోణి

ఆంధ్రప్రదేశ్‌లో పలుచోట్ల భారీ వర్షాలు కురిసే అవకాశం ఉందని అమరావతి వాతావరణ కేంద్రం తెలిపింది. ఈశాన్య మధ్యప్రదేశ్‌ నుంచి ఉత్తర మహారాష్ట్ర వరకు ఉపరితల ద్రోణి కొనసాగుతోందని పేర్కంది. ఉత్తరమధ్య కర్ణాటక పరిసరాల్లోనూ ఉపరితల ఆవర్తనం నెలకొంది. ఈ ప్రభావంతో ఆదివారం పలు ప్రాంతాల్లో భారీ వర్షాలు కురిసే అవకాశం ఉందని వాతావరణ శాఖ నిపుణులు పేర్కొన్నారు .
ఇప్పటికే శ్రీకాకుళం, తూర్పుగోదావరి, కృష్ణా, గుంటూరు, అనంతపురం, ప్రకాశం జిల్లాల్లో అక్కడక్కడ భారీవర్షాలు కురుస్తున్నాయి. సోమ, మంగళవారాల్లో ఉత్తరాంధ్రలో తేలికపాటి వర్షాలు కురిసే అవకాశాలు కూడా కనిపిస్తున్నాయి. ఇక దక్షిణకోస్తాలో ఓ మోస్తరు వానలు పడే అవకాశం ఉంది. రాయలసీమలో భారీవర్షాలు కురిసే అవకాశం ఉందని అమరావతి వాతావరణ కేంద్రం తెలిపింది.

మరోవైపు ఇటు తెలంగాణలో కూడా పలు చోట్ల వర్షాలు కురుస్తున్నాయి. శుక్రవారం హైదరాబాద్‌లోని పలు ప్రాంతాల్లో భారీ వర్షం కురిసింది. అయితే రాష్ట్రంలో సోమ, మంగళవారాల్లో కూడా చాలా చోట్ల ఉరుములు, మెరుపులతో కూడిన తేలిక పాటి నుంచి ఓ మోస్తారు వర్షాలు కురిసే అవకాశం ఉన్నట్లు హైదరాబాద్ వాతావరణ కేంద్రం వెల్లడించింది. మంగళవారం పలుచోట్ల భారీ వర్షాలు కురిసే అవకాశం ఉందని పేర్కొంది.

Leave a Reply

Your email address will not be published. Required fields are marked *